Saskia
Zure saskian ez dago artikulu gehiago
Data: Hitzartu beharrekoa (urte osoan)
Lekua: Irantzuko Lurren informazio gunea, Irantzuko Monasterioan
Ordua: 10:30
Iraupena: 2 ordu
Prezioa: 8 euro helduak eta 4 euro haurrak
Gutxieneko taldea: 5 lagun (sistemak ez badizu uzten lekuak nahi bezala konfiguratzen, jar zaitez gurekin harremanetan)
Bisitaldi gidatu honek Irantzu ibaiko bidexkan zehar eramango gaitu, flora, fauna, Monasterioaren historia eta arroilaren mitologia interpretatuz eta gatz ekologikoak oliba-olio birjinarekin, Idiazabal gaztak, basoko ezti eta ardo ekologikoak dastatzeko aukerarekin, Irantzuko Lurrak Elkarteak antolatua.
Irantzu ibaiko arroila, klima atlantiko eta mediterraneoaren arteko trantsizio betean dago, eta eremu klimatiko horren interpretazio-ibilbide esanguratsuenetako bat da. Izan ere, ingurumen-balio handia du, arroila horretan aurki daitezkeen bi klimetako flora- eta fauna-barietate handiagatik, eremu mediterraneoko arte eta erkametzetatik hasi eta eremu atlantikoko pagadi eta ametz ilaundun zoragarrietaraino.
Ibilbide laburra izan arren (4,4 km joan-etorrikoa), interpretazio-bidexka honetan aurki ditzakegu historia geologikoko elementuak, bertako faunaren eta floraren berezitasuna, eta gizakiaren presentziaren arrastoak. Ezaugarri guzti horiek, elkarri lotuta, itxura eman diote bisitatuko dugun leku berezi honi.
Ibilbidean zehar ezagutuko ditugu, edertasun paregabeko eta historiaz beteriko paraje natural baten barruan, arroila osatzen duten hainbat elementu natural.
Ibilbide honetan bisitariek Irantzuko Monasterioaren historiarekin gozatu ahalko dute, Iberiar penintsulako monasterio txundigarrienetako bat da eta Erdi Aroan, batez ere, botere handia izan zuena. Halaber, arroilak eta monje zistertarrek izan zuten harreman estua ezagutuko dugu, hauek ura bideratzeko ezagutza handia baitzuten.
Bestalde, Nafarroako sorgintzaren kondairak eta historia ezagutzeko aukera izango dugu, zehazki Irantzu ibaiko arroilari dagokionean.
Geologia bera, flora eta fauna aniztasun handiarekin batera, ibilbide honetako protagonista nagusiak izango dira.
Ibilbidea familientzat oso gomendagarria da, 4 urtetik gorako haurrentzat egokia.
Komenigarria da oinetako erosoak eta ura eramatea.
Deskribapena
4,4km-ko joan-etorria / 105m-ko desnibela
Bidexka lineala da, Irantzuko Monasterio ederraren ondoan hasten da, eta, pixka bat gora eginda, larreak, hariztiak eta pagadi ikusgarriak zeharkatzen ditu. Bideak eramango gaitu ibaiak harkaitzean zizelkatu dituen forma apetatsuen ondotik, eta baita haren putzuen eta ur gardenen ertzetik ere. Urbasa-Andia parke naturalaren magaletan dago.
Gainera, bisita hau asteburuko egonaldi batekin konbina dezakezu Irantzuko Lurretako landa-ostatuetako batean. Besteak beste, Artea landetxea, Don Roque, Babesenea, Lazkua, Etxarrienea, Madriguera de Tomaso eta Nekasenea apartamentuak aukeratu ditzakezu, % 30eko beherapena barne dutela.
